આર્મી ભરતી રેલીના ઉમેદવારો જોગ ઓનલાઇન રજીસ્ટ્રે શન કરાવેલ ઉમેદવારોએ ઇ-મેઇલમાં આવેલ એડમીટ કાર્ડની પ્રિન્ટ૦ કરાવી લેવી

 

દેવભૂમિ દ્વારકા તા.૨૨,

       જિલ્લા રોજગાર કચેરી,દેવભૂમિ દ્વારકા દ્વારા દેવભૂમિ દ્વારકા જીલ્લાના ઉમેદવારોને જણાવવામાં આવે છે કે, આગામી આર્મી ભરતી રેલી-૨૦૨૧ સ્થળ-એન.ડી.એચ હાઇસ્કુલ ગ્રાઉન્ડ, દ્વારકા માટે જે ઉમેદવારોએ રજીસ્ટ્રેશન કરાવેલ છે, એમના ભરતી રેલી સમયે ફરજીયાત સાથે લાવવા માટેનું  એડમીટ કાર્ડ (કોલ લેટર) આર્મી રીક્રુટમેન્ટ ઓફીસ દ્વારા ઇસ્યુ થઇ ગયેલ છે. આ ભરતી માટે ઓનલાઇન રજીસ્ટ્રેશન કરાવેલ તમામ ઉમેદવારોએ પોતાના ઇ-મેઇલ માં આવેલ એડમીટ કાર્ડ (કોલ લેટર) ડાઉનલોડ કરીને અચૂક પ્રિન્ટ કઢાવી લેવા જણાવવામાં આવે છે.

       વધુમાં દેવભૂમિ દ્વારકા જીલ્લાના આ ભરતી માટે ઓનલાઇન રજીસ્ટ્રેશન કરાવેલ તમામ ઉમેદવારોને જણાવવામાં આવે છે કે, દેવભૂમિ દ્વારકા જીલ્લા માટે ભરતીની તારીખ ૦૫-૦૨-૨૦૨૧ આવેલ છે. જેથી દેવભૂમિ દ્વારકા જીલ્લા ના આર્મી ભરતી રેલી માં રજીસ્ટ્રેશન કરાવેલ હોય તેવા ઉમેદવારોએ તા. ૦૪-૦૨-૨૦૨૧ ના રાત્રે ૧૨.૦૦ વાગ્યે ભરતી રેલીના ગ્રાઉન્ડ પર અચૂક પહોંચવાનું રહેશે. તેમ જિલ્‍લા રોજગાર અધિકારીની યાદીમાં જણાવવામાં આવેલ છે